రహదారిపై అడ్డంకుల తొలగింపు

భారీ వర్షాలు, ఈదురుగాలులతో గార మండలం శిలగం జంక్షన్‌ సహా కళింగపట్నం రహదారిపై కూలిన చెట్లను పోలీసులు యుద్ధప్రాతిపదికన తొలగించారు. ఎస్పీ కె.వి. మహేశ్వరరెడ్డి ఘటనాస్థలాలను పరిశీలించి సహాయక చర్యలను పర్యవేక్షించారు. జేసీబీలు, ఎస్‌డీఆర్‌ఎఫ్ బలగాలు, స్థానిక పోలీసుల సమన్వయంతో రాకపోకలను పునరుద్ధరించారు. రహదారులపై అడ్డంకులు ఏర్పడితే పోలీసులకు సమాచారం ఇవ్వాలని ఎస్పీ సూచించారు.