పునరావాస కేంద్రంలో జేసీ తనిఖీలు

విజయనగరం జిల్లా జాయింట్‌ కలెక్టర్‌ సేతుమాధవన్ బుధవారం వేపాడలో ఏర్పాటు చేసిన పునరావాస కేంద్రాన్ని పరిశీలించారు. ఈ సందర్భంగా బాధితులకు అందుతున్న ఆహారం, తాగునీరు, వైద్య సదుపాయాలు పరిశీలించి ఎలాంటి ఇబ్బందులు లేకుండా చూడాలని అధికారులను ఆదేశించారు. అనంతరం అధికారులతో సమీక్ష నిర్వహించి పలు సూచనలు చేశారు. తుఫాన్‌ కారణంగా ప్రజలు అప్రమత్తంగా ఉంటూ అధికారుల సూచనలు పాటించాలని కోరారు.