పాపన్నపేటలో శరన్నవరాత్రి ఉత్సవాల సందడి

పాపన్నపేట మండలవ్యాప్తంగా శరన్నవరాత్రి ఉత్సవాలు ఘనంగా కొనసాగుతున్నాయి. భవానీ మాలధారులు భక్తిశ్రద్ధలతో అమ్మవారిని పూజిస్తూ ఆధ్యాత్మిక చింతనలో గడుపుతున్నారు. ప్రతిరోజూ ఉదయం, సాయంత్రం ప్రత్యేక పూజలు నిర్వహిస్తున్నారు. వేద బ్రాహ్మణ పండితుల మంత్రోచ్ఛారణల మధ్య పూజలు జరగడంతో గ్రామాల్లో ఆధ్యాత్మిక శోభ నెలకొంది. భక్తులు ఉత్సాహంగా ఉత్సవాల్లో పాల్గొంటున్నారు.