మండపేటలో వీధి కుక్కల హల్‌చల్

మండపేట పట్టణంలోని కచేరి చావిడి వీధితో పాటు పలు కాలనీల్లో వీధి కుక్కల సంచారం ప్రజలకు ఇబ్బందిగా మారింది. కుక్కలు గుంపులుగా తిరుగుతుండటంతో చిన్నారులు, వృద్ధులు బయటకు వెళ్లేందుకు భయపడుతున్నారు. వాహనదారులు సైతం అప్రమత్తంగా ప్రయాణించాల్సి వస్తోందని స్థానికులు చెబుతున్నారు. మున్సిపల్ అధికారులు స్పందించి వీధి కుక్కల బెడదను నియంత్రించేందుకు చర్యలు తీసుకోవాలని పట్టణవాసులు కోరుతున్నారు.