కావలిలో భారీగా గంజాయి పట్టివేత

కావలిలో పోలీసులు 85 కేజీల గంజాయిని స్వాధీనం చేసుకున్నారు. ముసునూరు టోల్‌ ప్లాజా సమీపంలో అన్నవరం నుంచి తిరుపతికి రెండు కార్లలో తరలిస్తుండగా పోలీసులు పట్టుకున్నారు. రూరల్‌ సీఐ రాజేశ్వరరావు ఆధ్వర్యంలో ఎస్సైలు, సిబ్బంది కాపుకాసి గంజాయిని స్వాధీనం చేసుకున్నట్లు సమాచారం. ఘటనకు సంబంధించి ముగ్గురిని అదుపులోకి తీసుకుని విచారిస్తున్నారు.