లీకేజీతో రోడ్డుపై మిషన్ భగీరథ నీరు

కడెం మండలం లింగాపూర్ ప్రధాన రహదారిపై అల్లూరి సీతారామరాజు విగ్రహం వద్ద పైప్‌లైన్ లీకేజీతో మిషన్ భగీరథ నీరు వృథాగా ప్రవహిస్తోంది. నీరు రోడ్డుపై నిలవడంతో బురద ఏర్పడి వాహనదారులు, పాదచారులు ఇబ్బందులు పడుతున్నారు. తాగునీటి కోసం ఇబ్బందులు ఎదురవుతున్న సమయంలో నీరు వృథా కావడంపై స్థానికులు ఆవేదన వ్యక్తం చేస్తున్నారు. అధికారులు స్పందించి లీకేజీని అరికట్టాలని కోరుతున్నారు.