కాశీబుగ్గలో గాలులతో కూడిన వర్షం

పలాస కాశీబుగ్గలో సైక్లోన్ ప్రభావంతో బుధవారం ఉదయం నుంచి ఎడతెరిపి లేకుండా గాలులతో కూడిన వర్షం కురుస్తోంది. బస్టాండ్ వద్ద కూరగాయల దుకాణాలపై ఉన్న టార్పాలిన్లు బలమైన గాలులకు ఎగిరిపోయాయి. ఉద్దానం నుంచి తీసుకొచ్చిన కూరగాయలు వర్షానికి తడిసిపోయాయి. వర్షం కారణంగా రోడ్లపై జనసంచారం తగ్గడంతో కూరగాయల వ్యాపారులు ఇబ్బందులు ఎదుర్కొన్నారు.