జి.అగ్రహారంలో అధ్వాన్నంగా రోడ్డు

చీపురుపల్లి మేజర్ పంచాయతీ జి.అగ్రహారం మెట్టకాలనీ రోడ్డుపై వర్షాలకు రాళ్లు, పిక్కలు తేలిపోయాయి. 6 ఏళ్లు దాటుతున్నా రోడ్డు మంజూరు చేయలేదని స్థానికులు అసహనం వ్యక్తం చేస్తున్నారు. పాఠశాలలకు వెళ్లే విద్యార్థులు, రాకపోకలు సాగించే ప్రజలు తీవ్ర ఇబ్బందులు పడుతున్నారని, ప్రమాదాలు జరుగుతున్నాయని తెలిపారు. తక్షణమే మరమ్మతులు చేయాలని లేదా కొత్త రోడ్డు మంజూరు చేయాలని కోరుతున్నారు.