తమ్మిలేరుకు తొలిసారి వరద ఉద్ధృతి

ఆంధ్ర–తెలంగాణ సరిహద్దు ప్రాంతాల్లో కురుస్తున్న భారీ వర్షాలతో తమ్మిలేరుకు ఈ ఏడాదిలో తొలిసారిగా వరద ప్రవాహం మొదలైంది. గురువారం ఉదయం చాట్రాయి మండలం చిన్నంపేట తమ్మిలేరు కాజ్‌వే వద్ద వరద ఉద్ధృతి పెరిగింది. తెలంగాణలోని వేంసూరు, సత్తుపల్లి మండలాల్లో కురిసిన భారీ వర్షాల కారణంగా తమ్మిలేరులో ప్రవాహం ఏర్పడిందని స్థానికులు తెలిపారు. వర్షాకాలం ప్రారంభం నుంచి తమ్మిలేరులో చుక్కనీరు లేకపోవడం గమనార్హం.