ఏలూరువారి పాలెం ఆలయంలో చోరీ

చీమకుర్తి మండలం ఏలూరువారి పాలెం శివారులోని శ్రీ పోలేరమ్మ దేవస్థానంలో దొంగలు చోరీకి పాల్పడ్డారు. ఆలయ ప్రధాన గేటు తాళాలు పగలగొట్టి లోపలికి ప్రవేశించిన దొంగలు హుండీని పగలగొట్టి సుమారు రూ.10 వేలు తీసుకెళ్లినట్లు ఆలయ నిర్వాహకులు మన్నం హరిప్రసాద్ తెలిపారు. ఇటీవల మండలంలోని పలు గ్రామాల దేవస్థానాల్లో ఇదే తరహాలో దొంగతనాలు జరుగుతున్నాయని హరిప్రసాద్ తెలిపారు.