దొడ్లేరులో అంగన్వాడీ వేడుకలు

క్రోసూరు మండలం దొడ్లేరులో సేవా సంకల్ప్‌ అభియాన్‌లో భాగంగా సోమవారం అంగన్వాడీ ఉత్సవాలు నిర్వహించారు. బీజేపీ మండల అధ్యక్షుడు శ్రీనివాసరావు చిన్నారులు, గర్భిణులు, బాలింతలు పౌష్టికాహారం తీసుకోవాలని సూచించారు. బాలామృతం, చిక్కి, కందిపప్పు, నూనె తదితర పోషకాహారం అర్హులకు సక్రమంగా అందేలా చూడాలని కోరారు. అనంతరం అంగన్వాడీ టీచర్లు, ఆయాలు, ఆశా వర్కర్లు, ఏఎన్‌ఎంలను సన్మానించారు.