బెస్తవాడలో ఘనంగా సద్దుల బతుకమ్మ

బెజ్జూర్‌ గ్రామపంచాయతీ పరిధిలోని 4వ వార్డు బెస్తవాడలో సద్దుల బతుకమ్మ వేడుకలు ఘనంగా నిర్వహించారు. మహిళలు రంగురంగుల పూలతో బతుకమ్మలను పేర్చి సంప్రదాయ పాటలు పాడుతూ ఆటపాటలతో సందడి చేశారు. అనంతరం బతుకమ్మలను ఊరేగింపుగా తీసుకెళ్లి సమీప వాగులో నిమజ్జనం చేశారు. వేడుకల్లో గ్రామ మహిళలు, పెద్దలు, యువకులు పెద్ద సంఖ్యలో పాల్గొన్నారు.