ఆస్పత్రిలో వైద్యుల ఆలస్యంపై విమర్శలు

వర్ధన్నపేట ప్రభుత్వ ఆస్పత్రిలో వైద్యులు విధులకు ఆలస్యంగా వస్తున్నారన్న ఆరోపణలపై రోగులు ఆగ్రహం వ్యక్తం చేస్తున్నారు. ఉదయం 9 గంటలకే ఓపీ ప్రారంభం కావాల్సి ఉండగా,కొందరు వైద్యులు 10.30 గంటల తర్వాత వస్తున్నారని వారు ఆరోపిస్తున్నారు. ఓపీతోపాటు పలు వైద్య సేవలు, ఆపరేషన్లు ఉదయమే నిర్వహించాల్సి ఉండటంతో ఇబ్బందులు ఎదురవుతున్నాయని రోగులు చెబుతున్నారు. ఆలస్యంగా వచ్చే వైద్యులపై చర్యలు తీసుకోవాలని కోరుతున్నారు.