15 వేల మందితో బతుకమ్మ సంబరాలు

అమెరికాలోని టెక్సాస్ రాష్ట్రం ఫ్రిస్కో నగరంలోని కొమెరికా సెంటర్‌లో టి-ప్యాడ్ ఆధ్వర్యంలో బతుకమ్మ సంబరాలు వైభవంగా జరిగాయి. ఈ వేడుకల్లో 15 వేల మంది పాల్గొనగా, వెయ్యి మందికి పైగా మహిళలు సంప్రదాయ దుస్తుల్లో బతుకమ్మ ఆడారు. ప్రాంగణంలో ఏర్పాటు చేసిన భారీ బతుకమ్మ ప్రత్యేక ఆకర్షణగా నిలిచింది. మహిషాసుర మర్దిని నృత్యరూపం ఆకట్టుకుంది. అనంతరం సంప్రదాయబద్ధంగా బతుకమ్మల నిమజ్జనం నిర్వహించారు.