స్కోర్స్ వేదికగా భారీగా ఫిర్యాదుల పరిష్కారం

సెబీ నిర్వహించే స్కోర్స్ ప్లాట్‌ఫామ్ ద్వారా మే నెలలో 5,500కు పైగా మదుపర్ల ఫిర్యాదులు పరిష్కారమయ్యాయి. ఈ కాలంలో కొత్తగా 4,918 ఫిర్యాదులు నమోదు కాగా, అధిక శాతం సమస్యలను మార్కెట్ నియంత్రణ సంస్థ పరిష్కరించింది. మే నెలాఖరు నాటికి మూడు నెలల కంటే ఎక్కువ కాలం పెండింగ్‌లో ఉన్నవి కేవలం 10 ఫిర్యాదులు మాత్రమే ఉన్నాయి. మదుపర్ల రక్షణలో సెబీ కీలక పాత్ర పోషిస్తూ ఫిర్యాదుల పరిష్కార వేగాన్ని పెంచింది.