నిజాంసాగర్‌ కాలువలో మునిగి వ్యక్తి మృతి

న్యాల్కల్‌ గ్రామ శివారులో నిజాంసాగర్‌ కాలువలో స్నానం చేసేందుకు వెళ్లిన బత్తుల దశరథ్‌ (40) ప్రమాదవశాత్తు నీటిలో మునిగి మృతి చెందాడు. ఈ నెల 25న ఉదయం స్నానం చేస్తుండగా గల్లంతైన దశరథ్‌ కోసం కుటుంబ సభ్యులు, పోలీసులు జాలర్ల సహాయంతో గాలింపు చేపట్టారు. శనివారం ఉదయం కాలువలో మృతదేహం లభ్యమైంది. భార్య వనజ ఫిర్యాదుతో ముగ్పాల్‌ పోలీసులు కేసు నమోదు చేసి దర్యాప్తు చేస్తున్నారు.